خولا نەهێ یا راهێنانێن پێداگۆجی ل زانکۆیا نەورۆز ب دويماهی هات

ل رێکەفتی 25ی تیرمەها ٢٠٢٦، ب بەرهەڤبوونا رێزدار سەرۆکێ زانکۆیا نەورۆز پ. هـ. مێڤان عارف عەبدولرەحمان و پ. د. موئەیەد ئەغالی میرزا هاریکارێ سەرۆکێ زانکۆیێ بۆ کار و بارێن زانستی و پ. د. ئەمین عەبدولقادر عومەر رێڤەبەرێ سەنتەرێ راهێنانێن پێداگۆجی و پەرەپێدانا ئەکادیمی رێورەسمێن خۆلا نەهێ یا سەنتەرێ ناڤبری ل هۆلا سەنتەرێ پێداگۆجی هاتنە گێران. د ئەڤان رێورەسمان دا پشتی پیرۆزباهیێن سەرۆکاتیا زانکۆیا نەورۆز باوەرنامەیێن راهێنانێن پێداگۆجی ل سەر پشکداران هاتنە بەلاڤکرن. هەژی گۆتنێیە سەنتەرێ راهێنانێن پێداگۆجی و پەرەپێدانا ئەکادیمی ل سالا 2019 ب بڕیارا جەنابێ وەزیرێ خواندنا بلند و ڤەکۆلینێن زانستی ل زانکۆیا نەورۆز هاتییە دامەزراندن. هەر داخوازکەرەکێ مەرجێن پشکداریێ ل دەڤ هەبن، پشتی شەش هەیڤێن راهێنانان ل سەر دەستێ راهێنەرێن پرۆفێشنالێن ژ ئالیێ وەزارەتا خواندنا بلند و زانکۆیا HAMK یا فینلەندی باوەرپێکری، باوەرنامەیا خولا پێداگۆجییا سەردەم پێ دهێتە بەخشین.