زانكۆيا نه‌ورۆز و په‌يمانگه‌ها داڤنشى ياداشتنامه‌يه‌كا لێكتێگه‌هشتنێ ئيمزا كر

ل رۆژا ئێكشه‌مبێ رێكه‌فتى (13/9/2026) ل ده‌مژمێر (11:00) سپێدێ، سه‌رۆكێ زانكۆيا نه‌ورۆز پ. هـ. د. مێڤان عارف عه‌بدولره‌حمان پێشوازى ل خانم لانا دانيال ئيشۆ رێڤه‌به‌را په‌يمانگه‌ها داڤنشى يا تايبه‌ت و شاندێ ل گه‌ل دا كر. د روينشتنه‌كێ دا، هه‌ردولايان پيرۆزباهيا سالا نوى يا خواندنێ (2026-2027) كر و ئاماده‌كاريێن خۆ بۆ ئه‌نجامدانا كار و چالاكيێن زانستى يێن هه‌ڤپشك ديار كرن. ل دويڤ دا و د كۆمبوونه‌كا تايبه‌ت دا ياداشتنامه‌يه‌كا لێكتێگه‌هشتنێ د ناڤبه‌را هه‌ردو سازيان دا هاته‌ ئيمزاكرن. د ناڤه‌رۆكا ياداشتنامه‌يێ دا، ته‌كه‌زى ل سه‌ر به‌رده‌ستكرنا ئۆفه‌ر و ده‌ليڤه‌يێن خواندنێ بۆ ده‌رچوويێن په‌يمانگه‌ها ناڤبرى ل زانكۆيا نه‌ورۆز هاته‌كرن، هه‌روه‌سا گێرانا كۆر، ووركشۆپ و سمينارێن زانستى پشكه‌كا دى يا ناڤه‌رۆكا ياداشتنامه‌يێ بوو.