سهرۆكێ زانكۆيا نهورۆز پێشوازى ل شاندهكێ بلند يێ سازيا زمانێ كوردى ل رۆژئاڤايێ كوردستانێ كر
ل رۆژا شهمبيێ رێكهفتى (27/6/2026) ل دهمژمێر (11:00) سپێدێ، سهرۆكێ زانكۆيا نهورۆز پ. هـ. د. مێڤان عارف عهبدولرهحمان پێشوازى ل شاندهكێ بلند يێ سازيا زمانێ كوردى ل رۆژئاڤايێ كوردستانێ ب سهرۆكايهتيا ڤيان حهسهن و ئاناهيت عهبدوللا ل گهل سهرۆكێ سهنتهرێ زاخۆ بۆ ڤهكۆلينێن كوردى پ. د. عهبدولسهلام نهجمهدين عهبدوللا كر.
د روينشتنێ دا سهرۆكێ زانكۆيێ ب گهرمى ب خێرهاتنا شاندێ ناڤبرى كر، پاشى ب هويرى دانوستاندن ل دۆر كار و چالاكيێن ئهكاديمى يێن ههردولايان هاتهكرن. ژ لايێ خۆ ڤه سهرۆكێ زانكۆيێ پشتهڤانيا زانكۆيا نهورۆز بۆ پێشئێخستنا كار و بزاڤێن سازيا زمانێ كوردى ل رۆژئاڤايێ كوردستانێ راگههاند، ههروهسا تهكهزى ل سهر رێكخستن و ئهنجامدانا كار و چالاكيێن زانستى و ئهكاديمى ژى هاتهكرن. ب ئهڤێ چهندێ، شاندێ رۆژئاڤايێ كوردستانێ دلخۆشيا خۆ ل بهرانبهر مێهانپهروهرى و دهستپێشخهريێن زانكۆيا نهورۆز ديار كر.