سەرۆکێ زانکۆیا نەورۆز ژ لایێ رێڤەبەرێ جێبەجێکارێ ڤژن ئیجوکەیشن ڤە هاتە پێشوازیکرن

ل رۆژا سێشەمبێ رێکەفتی (18/8/2026) سەرۆکێ زانکۆیا نەورۆز پ. هـ. د. مێڤان عارف عەبدولرەحمان ژ لایێ بەرێز ارام فتحي ئاکرەیی، رێڤەبەرێ جێبەجێکارێ "ڤژن ئیجوکەیشن"، ل ئۆفیسا کۆمپانیا "دیدگای پەروەردە" ل هەولێرا پایتەخت هاتە پێشوازیکرن. 

ئەڤ سەرەدانە ب مەرەما پێشوازیکرن و پیرۆزباهیکرنێ بوو ل بەرێز ئاکرەیی، ب هەلکەفتا دەستبکاربوونا وی وەک رێڤەبەرێ جێبەجێکارێ نوی یێ "ڤژن ئیجوکەیشن"، کو تێدا سەرۆکێ زانکۆیێ هیڤیا سەرکەفتنێ د ئەرکێ وی یێ نوی دا بۆ خواست.

د روینشتنەکێ دا، هەردو لایان دانوستاندن ل دۆر رەوشا خواندنێ و پلانێن پاشەرۆژێ یێن زانکۆیا نەورۆز کرن و رێڤەبەرێ جێبەجێکار ئاماژە ب بزاڤ و چالاکیێن ئەکادیمیێن زانکۆیا نەورۆز دا و پشتەڤانیا خۆ بۆ پێشڤەبرنا وێ یا زێدەتر دیار کر. 

سەرۆکێ زانکۆیێ، خۆشحالیا خۆ ب پێشوازیا گەرم دەربری و داخوازا سەرکەفتنێ بۆ کار و پرۆژەیێن زانستی و ئەکادیمی یێن ڤژن ئیجوکەیشن کر.