شاندەکێ زانکۆیا نەورۆز پشکداری د کۆنفرانسەکێ نێڤدەولەتی دا ل دهۆک کر

ب مەرەما بهێزکرنا پەیوەندیێن زانستی، رۆژا چارشەمبی ٨\٧\٢٠٢٦ شاندەکێ زانکۆیا نەورۆز یێ پێکهاتی ژ راگرێن کۆلیژێن مرۆڤایەتی (پ. د. ئەمین عەبدولقادر، پ. د. دلشاد یووسف عەبدولرەحمان، و پ. هـ. د. هلۆڤان حوسنی) پشکداری د "دووەمین کۆنفرانسێ نێڤدەولەتی یێ ڤەکۆلینێن کرداری، جڤاکی و مرۆڤایەتی" دا کر، کو ژ لایێ زانکۆیا پۆلیتەکنیکیا دهۆک ڤە هات بوو سازکرن.

ئەڤ کۆنفرانسە ل ژێر درووشمێ "زانکۆیێن زیرەک و رۆلێ وان د بجهئینانا ئارمانجێن گەشەپێدانا بەردەوام دا ب ڕێڤە چوو. پشکداریا زانکۆیا نەورۆز د ڤی چالاکیا زانستی دا، د چارچووڤەیێ پلانێن زانکۆیێ دایە بۆ ئالوگۆرکرنا شارەزاییێن ئەکادیمی و پەرەپێدانا بیاڤێن ڤەکۆلینێن زانستی دگەل ناڤەندێن جودا یێن زانستی.