ب هەلکەفتا رۆژا جیهانی یا ژمێریاری، زانکویا نەوروز ب پشکداریا بەرێز (د. هلوڤان حسنی) راگرێ کولیژا کارگێری و ئابووری ل زانکویا مە، د رێورەسمێن سەندیکا ژمێریاران و وردبینان ل پارێزگەها دهۆکێ دا بەشداربوو.
د چوارچوڤێ ڤێ چالاکیێ دا، د. هلوڤان حسنی د پانێل و دیدارەکا زانستی دا ب ناڤونیشانێ (رەشنڤیسێ بودجەیا گشتی یا عێراقێ یا سالا ٢٠٢٧؛ ئاستەنگێن دارایی و مافێن هەرێما کوردستانێ) شروڤەیەکا هوور و ئەکادیمی ل دۆر رەوشا دارایی پێشکێش کر. هەروەسا د بڕگەیەکا دی یا رێورەسمان دا، ب بەرهەڤبوونا راگرێ کولیژا کارگێری و ئابووری یا زانکویا نەوروز، خەلاتێن رێزلێنانێ لسەر قوتابیێن ئێکێ یێن دەرچوویێن پشکا ژمێریاری یێن زانکویا نەوروز و زانکویێن دی یێن پارێزگەهێ هاتنە دابەشکرن.
