د چارچۆڤێ هەماهەنگی و پەیوەندیێن بەردەوام یێن ئەکادیمی د ناڤبەرا زانکۆیێن هەرێما کوردستانێ دا، د. هلۆڤان حوسنی عوسمان، ڕاگرێ کۆلیژا کارگێڕی و ئابووری ل زانکۆیا نەورۆز، وەک پەنەلیست پشکداری د چالاکیێن ڕۆژا جیهانی یا ژمێریاران دا کر کو ژ لایێ کۆلیژا تەکنیکی یا کارگێڕی ل زانکۆیا پۆلیتەکنیکی یا دهۆک ڤە هاتبوو ڕێکخستن.
ئەڤ چالاکییە ل ژێر چاڤدێریا سەرۆکا زانکۆیا پۆلیتەکنیکی یا دهۆک (پ.د. ئاری عادل) و ل ژێر دروشمێ (گونجاندنا پیشەیا ژمێریاری دگەل گوهۆڕینێن هەڤچەرخ) هاتە ئەنجامدان.
د. هلۆڤان حوسنی عوسمان تیشک خستە سەر پێشکەفتنێن نوو یێن بوارێ ژمێریاریێ و گرنگیا گونجاندنا پرۆگرامێن خواندنێ دگەل گوهۆڕینێن سەردەمیانە و پێدڤیێن بازارێ کاری.