ل رۆژا سێشەمبی، ڕێکەفتی ١٣/١٠/٢٠٢٦، پشکا کارگێریا راگەهاندن و رۆژنامەڤانی ل زانکۆیا نەورۆز ب هەڤکاری دگەل سەندیکا رۆژنامەڤانێن کوردستانێ - تایێ دهۆکێ، سیمپۆزیۆمەک ب ناڤونیشانێ "راگەهاندنا کوردی یا ئەڤرۆ: ئاست، بەرپرسیاری و پێدڤیاتی" ل هۆلا ڕەحمی هەکاری ئەنجام دا.
د ڤی سیمپۆزیۆمی دا، چەندین تەوەر ژلایێ کەسایەتیێن ئەکادیمی و میدیایی ڤە هاتنە پێشکێشکرن:
د. مەهدی شعبان ل دۆر ئاست و پێشەگەریا راگەهاندنا کوردی یا ئەڤرۆ ئاخڤت.
ڤیان عەباس، بەرپرسا تایێ دهۆک یێ سەندیکا رۆژنامەڤانان، بەحسێ بەرپرسیاریا راگەهاندنا کوردی کر.
ئاکۆ محەمەد، رێڤەبەرێ تۆڕا میدیایی یا رووداو، تیشک ئێخستە سەر پێدڤیاتیێن راگەهاندنا کوردی و ئەوێن ل سەر پێتڤی.
ئارمانج ژ ڤی سیمپۆزیۆمی، دیارکرنا پێدڤیێن ڤەگوهاستنا راگەهاندنا کوردی بوو ژ ئاستێ بەلاڤکرنێ بۆ ئاستێ پێشەیی، و کارکرن بۆ لێک نێزیککرنا گۆتارا راگەهاندنێ ژ پێخەمەت بەرژەوەندیا کوردستانێ. هەروەسا، هاندنا راگەهاندنا کوردی بۆ دیتنا رۆلێ خۆ یێ دروست و بلندکرنا ئاستێ هۆشیاریا جەماوەری بوو بەرامبەر رەتکرنا ناڤەڕۆکێن لاواز.
