ل ڕێکەفتی 17-11-2026، زانکۆیا نەورۆز سمپۆزیۆمەکا زانستی یا هەڤپشک ب هەڤکاری دگەل بەنکا هەرێم یا بازرگانی (RT Bank) و زانکۆیا پۆلیتەکنیک یا دهۆکێ ڕێکخست. ئەڤ چالاکییە ب بەرهەڤبوونا هژمارەکا ئەکادیمی، مامۆستایێن زانکۆیێ، نوونەرێن کەرتێ بەنکی و قوتابیان بڕێڤەچوو، ب مەرەما گەنگەشەکرنا پێشکەفتنێن نوی د کەرتێ دارایی و بەنکی یێ هەرێما کوردستانێ دا، و گونجاندنا پرۆگرامێن خواندنێ دگەل پێدڤییێن بازارێ کاری.
د سمپۆزیۆمێ دا، چەندین تەوەرێن زانستی ل دۆر خزمەتگوزاریێن بەنکی یێن دیجیتاڵی، گەشەپێدانا دارایی، و پێشخستنا شیانێن پراکتیکی یێن دەرچوویان هاتنە پێشکێشکرن. د دووماهیێ دا، لایەنێن پشکدار جەخت ل سەر گرنگییا بەردەوامبوونا هەماهەنگی و دانوستاندنان د ناڤبەرا سازییێن ئەکادیمی و کەرتێ بەنکی دا کر، پێخەمەت خزمەتکرنا پڕۆسێسا گەشەپێدانا ئابووری ل هەرێما کوردستانێ.