زانکۆیا نەورۆز سپۆنسەریا ٣ـەمین فورۆما نشتیمانییا CHMK بۆ چاکسازیا میدیایی دکەت
وەک پشکەک ژ پێگیریا خۆ بۆ پشتەڤانیکرنا نایابیا ئەکادیمی و هەماهەنگیا زانستی یا نێڤدەولەتی، زانکۆیا نەورۆز ب شانازیڤە ئێک ژ سپۆنسەرێن ٣ـەمین فورۆما نشتیمانییا CHMK بۆ چاکسازیا میدیایی دکەت، کو دێ ل رۆژێن ٨-٩ تیرمەها ٢٠٢٦ێ ل زانکۆیا SOAS ل لەندەن، شانشینا ئێکگرتی (بریتانیا) هێتە ئەنجامدان.
ئەڤ فورۆمە ژ لایێ چاڤدێریا میدیایا کوردی (CHMK) ب هەماهەنگی دگەل چەندین سازیێن ئەکادیمی و میدیایی یێن نێڤدەولەتی دهێتە رێکخستن، ل ژێر درۆشمێ:
"چاکسازیا میدیایی ل دەڤەرێن پشتی شەری: کۆنفرانسەکێ زانستی یێ نێڤدەولەتی دەربارەی نەخشەرێیا ستراتیژییا سیاسەتا کوردستانێ."
فورۆم دێ کۆمەکا ئەکادیمی، ڤەکۆلەر، بڕیاربدەر، پیشەکارێن میدیایی و شارەزایێن نێڤدەولەتی کۆم کەت بۆ گۆتوبێژکرنا بابەتێن سەرەکی یێن گرێدای ب چاکسازیا میدیایی، سیاسەتا پەیوەندیان، ئەخلاقێ دیتال، و گەشەپێدانا میدیایێ ل قوناغا پشتی شەری.
ب رێکا سپۆنسەرکرنا ڤێ چالاکیا نێڤدەولەتی، زانکۆیا نەورۆز دوپات ل سەر پێگیریا خۆ دکەت بۆ پشتەڤانیکرنا دەسپێشخەریێن ئەکادیمی، هاندانا دیالۆگا زانستی، و بهێزکرنا هەماهەنگیێ دگەل سازیێن پێشەنگ یێن دەڤەری و نێڤدەولەتی.
ئەو کەسێن ئارەزوومەند دشێن بۆ پشکداریێ ب رێکا مالپەرێ کۆنفرانسی ناڤێن خۆ تۆمار بکەن:
forum.chmk.org
بۆ زانیاریێن زێدەتر: