سەرکردایەتی

ب سەرپەرشتیا پڕۆفیسۆر دکتۆر (دلشاد عبدالرحمن یوسف)، سەرۆکێ پشکا

پەیوەندیێن نێڤدەولەتی و دبلۆماسی ب وەکالەت، پشک نموونەیەکا ژینگەها ئەکادیمی یا

زیندی و ب بزاڤ پێشکێش دکەت, و هەمی بزاڤێن خۆ تەرخان دکەت بۆ ئاڤاکرنا کەسایەتیا

قوتابی د تایبەتمەندیا سیاسەت و پەیوەندیێن نێڤدەولەتی و دبلۆماسی دا , د ناڤ جیهانەکا

تێکەل و گرێدای ب پێک ڤە. پشک کار دکەت ژ بۆ بهێزکرنا هزرا رەخنەیی ل دەف قوتابی،

گەشەپێدانا کارامەییێن پەیوەندیکرنا کارتێکەر، و کویرکرنا تێگەهشتنێ ل دۆر بابەتێن

سیاسی و پەیوەندیێن دبلۆماسی و چارچۆڤەیێن هەڤکاریا نێڤدەولەتی. ئەڤە ژی ب رێکا

دابینکرنا ژینگەهەکا فێرکرنێ یا گونجای و بکارئینانا ستراتیژیێن سەردەمانە د بوارێ

وانەگۆتنێ دا ؛ کو کارلێکرنا راستەوخۆ د ناڤبەرا مامۆستا و قوتابیاندا زێدەدکەن؛ ب

مەرەما بلندکرنا ئاستێ هشیاریا قوتابیان. ئەڤ هەمی کارە بۆ وێ چەندێ نە دا کو

دەرچوویێن ڤێ پشکێ ب ژێرخانەکا زانستی و شیانێن پراکتیکی یێن پێدڤی بهێنە

بەرهەڤکرن، دا کو د بیاڤێ سیاسەتێ و پەیوەندیێن دبلۆماسی و رێکخراوێن نێڤدەولەتی و

وەزیفەیێن گشتی یێن سیاسی دا خودان شیان بن.