ل 25 تشرینا دوویێ، سالا 2025ێ، پشتی قوتابیێن پشکا زمانێ کوردی ل قوناغا سێیێ رۆمانا «کویسەلە: ئەو مرۆڤێ ژ مرنێ ڕەڤی» یا ڕۆماننڤیس حەسەن ئیبراهیمی خواندی و گەنگەشە لسەر ناڤەرۆك و پەیام و شێوازێ نڤیسینا وێ کری، کۆمەکا قوتابیان ب سەرپەرشتیا ڕاگرێ کۆلیژا زمان پ.د. ئەمین عەبدولقادر و سەرۆکێ پشکا زمانێ کوردی د. بارزان مستەفا سەرەدانەك بۆ شوینوارێن گۆندێ قەشەفرێ کرن. قارەمانێ رۆمانا ناڤبری هندەک سەربۆر و سەرکێشیێن بالکێش ل ئەڤی گۆندی هەنە و ژ رەوشا بێهیڤیبوون ژ ژیانکرنێ، ساخلەم و تژی هیڤی ڤەدگەریتەڤە ناڤ خێزانا خۆ. قوتابیان دخوازت ئەڤێ ئاشۆپا نڤیسەری لسەر جهێ راستەقینەیێ بوویەران ببینن.
