ل ڕۆژا ئێك شەمبی، ڕێکەفتی ٢ی دیسەمبەرا ٢٠٢٥ ل دەمژمێر دەهـ و نیڤێ سپێدێ، پشكا زمانێ ئینگلیزی ل كۆلیژا زمانان ل زانكۆیا نەورۆز، سیمینارەك ب ناڤونیشانێ "كێ ڕامانێ چێدكەت؟ دیتنێن زمانەڤانی ل دۆر نەبوونا نڤیسەری" سازكر. سیمینار ژ لایێ ماموستایێ هاریکار "ئەگەر فازل عەلی" ڤە ب ئامادەبوونا هژمارەكا ئەكادیمی و ماموستایان هاتە پێشكێشكرن..

سیمینارێ تەکەز لسەر سێ قۆناغێن چێبوونا ڕامانێ کر:

قۆناغا ئێكێ: دەسهەلاتداریا "نڤیسەر-خوداوەند"، كو تێدا مەرەم و نیازێن نڤیسەری وەك ب تنێ كلیل بۆ گەهشتن ب ڕامانا تێکستی دهێنە وەرگرتن.

قۆناغا دووێ: شۆڕشا زمانێ یە، نیاسینا ئەوێ چەندێ كو دەمێ نڤیسین دەستپێدكەت، ژیانەكا دی ل دەرڤەی خودانێ خۆ وەردگریت.

قۆناغا سێیێ: بەرزبوونا ڕۆلێ خواندەڤانی یە وەك بەرهەمهێنەرێ ڕاستەقینە یێ ڕامانێ، ئەوا ڕولاند بارت د ئاخفتنا خۆ یا ناڤدار دا، دبێژیت: "ژ دایكبوونا خواندەڤانی دڤێت ب مرنا نڤیسەری بهێتە گۆهرین."

سمینار ب دانوستاندنەکا ڤەكری ب دوماهی هات كو تێدا ماموستایان دیتن، پسیار و تێبینیێن خۆ ل دۆر بابەتێ دیارکرن.