ل ڕۆژا دووشەمبی ڕێکەفتی 16/11/2026، پشکا زانستێن کۆمپیوتەری ل کۆلیژا زانست ل زانکۆیا نەورۆز پێشوازی ل کۆمەکا قوتابیێن قۆناغا پێنجێ ژ پشکا وێب ل پەیمانگەها رەند کر، د چارچووڤێ گەشتەکا زانستی دا، ب مەبەستا ئاشناکرنا قوتابیان ب ژینگەها ئەکادیمی، تاقیگەه و تەکنەلۆژیایێن نوی یێن زانکۆیێ.
پێشوازی ل قوتابیان ژ لایێ ڕاگریا کۆلیژێ و سەرۆکاتییا پشکا زانستێن کۆمپیوتەری ڤە هاتەکرن، و سەرۆکێ پشکێ، مامۆستا ڕەشید ڕێبەر، سیمینارەکێ ناساندنێ بۆ قوتابیان پێشکێش کر. پشتی هینگێ، قوتابیان سەرەدانا هۆلێن خواندنێ و تاقیگەهێن زانستی کر.
هەروەسا، د ماوێ گەشتێ دا، مامۆستا هاوار بەهزاد وانەیەکا پراکتیکی پێشکێش کر، تێدا شێوازێ کارکرن و بکارئینانا ئامیرێن نوی بۆ قوتابیان شڕۆڤە کر، دا کو ژ نێزیک ڤە لایەنێن پراکتیکی یێن پسپۆڕییا خۆ بناسن.
گەشتا زانستی ب سەرەدانەکا کتێبخانا ناڤەندی یا زانکۆیێ ب دوماهی هات، تێدا قوتابی ب پێکهاتە و ژێدەرێن زانستی یێن کتێبخانێ ئاشنا بوون.