ل رۆژا سێشەمبیێ، رێکەفتی ٢٧ێ چریا ئێکێ ٢٠٢٦ێ، پشکا زانستێن کۆمپیوتەری ل کۆلێژا زانست یا زانکۆیا نەورۆز، ب سەرپەرشتیا مامۆستایێن زانکۆیێ (م. هاوار بەهزاد و باوان شڤان)، گەشتەکا زانستی بۆ باژێرێ هەولێرێ رێکئێخست، کو سەرەدانا دەزگەها روانگە و پێشانگەها نێڤدەولەتی یا پەرتووکان بخۆڤە گرت.
د سەرەدانا دەزگەها روانگە دا، قوتابی ب گەرمی هاتنە پێشوازی کرن و د رێکا دانیشتنەکا گفتوگۆیێ دا، ژ نێزیکڤە ب چالاکی، پرۆگرام و کارێن دەزگەهێ هاتنە ئاشناکرن. هەروەسا، قوتابی هاتنە هاندان بۆ پشکداریێ د چالاکی و پڕۆژەیێن دەزگەهێ دا.
پشتی هنگی، قوتابی سەرەدانا پێشانگەها نێڤدەولەتی یا پەرتووکان ل هەولێرێ کرن، ل کوێ ئەوان دەرفەتا دیتنا کۆمەکا جۆراوجۆر ژ پەرتووک، ژێدەر و سەرچاوەیێن زانستی یێن نوێ هەبوو، کو بوو ئەگەرێ فراوانکرنا زانیاری و ئاسۆیێن زانستی یێن وان.
ئەڤ گەشتە د چوارچۆڤەیا هەولدانێن کۆلێژا زانست یا زانکۆیا نەورۆز دا دئێت، ب مەبەستا پێشئێخستنا فێربوونێ ل دەرڤەی هۆلێن خواندنێ، فراوانکرنا ئەزموونێن زانستی و رەوشەنبیری یێن قوتابیان و بەهێزکرنا پەیوەندیێ د ناڤبەرا خواندنا ئەکادیمی و چالاکیێن جڤاکی دا.
