دەربارە پشکا ئەندازیاريیا تەلارسازى

پشكا ته‌لارسازى ل تیرمه‌ها 2013ێ ل كۆلیژا ئه‌ندازیاریا زانكۆیا نه‌ورۆز هاته‌دامه‌زراندن و ئێکەمین گه‌ڕا قوتابییان ل ساڵا خواندنێ 2013–2014ێ ژ بۆ بده‌ستڤه‌هینانا باوه‌ڕنامەیا به‌كالوریۆسێ د ئه‌ندازیاریا ته‌لارسازیدا هاتنه‌وه‌رگرتن.

ئه‌ڤ پشكه‌ پێکۆلێ ژ بۆ پێشڤه‌برنا بوارێ زانستى و ڤه‌كۆلینێ و ئاماده‌كرنا كادرێن ئه‌ندازیارى یێن تایبه‌تمه‌ند د ئه‌ندازیاریا ته‌لارسازیدا ب مه‌ره‌ما ئاڤاكرنه‌كا پێشكه‌ڤتى و پاراستنا كه‌لتوور و شارستانییا كه‌ڤن و گه‌هشتن ب پێشكه‌ڤتنێن سه‌رده‌م دکەت. ب ڕێكا ئاماده‌كرنا دیزاین و وێنەیان ژ بۆ پڕۆژەیێن (ئاکنجیبوون، كارگێڕى، خواندن، ته‌ندروستى ..هتد) و سه‌رپه‌رشتىکرنا ئەڤان پڕۆژەیان.

هه‌ر دیسان به‌رهه‌ڤكرنا پلانان ژ بۆ باژێڕ و ده‌ڤه‌رێن گوندان، ژبەر کو ‌ ته‌لارسازى د هەمان دەمدا زانست و هونه‌ره، له‌وڕا خواندن ل ئەڤێ پشكێ گرنگییێ ب هه‌ر دوو لایه‌نان دده‌ت.

ماوەیێ خواندنێ پێنج (٥) ساڵن و خواندن ب زمانێ ئینگلیزییە، ب تنێ ده‌رچوویێن ئاماده‌یى یێن پشكا زانستى دهێنه‌وه‌رگرتن.