سەرپەرشتیارێ مەزن یێ پرۆژەیان / ئەندازیارێ شارستانی

سەرپەرشتیارێ مەزن یێ پرۆژەیان (ئەندازیارێ سایتی) بەرپرسە ژ پلان دانان، سەرپەرشتیکرن و هەماهەنگیکردنا هەمی پرۆژەیێن ئاڤاهی، نۆژەنکرن و چاککرنێ ل زانکۆیا نەورۆز. ئەرکێ ئەڤی پۆستی دڵنیابوونە ژ ئەنجامدانا کاران ب گۆرەی نەخشەیێن پەسەندکری، تایبەتمەندیێن تەکنیکی، پێوەرێن کوالێتیێ، مەرجێن سەلامەتیێ، بودجە و دەمێ دیارکری. هەروەسا چاڤدێریا پشکنینێن سایتی، دۆکیۆمێنتکرنا تەکنیکی، بەرهەڤکرنا خشتێ بڕان (BOQ)، هەماهەنگی دگەل بەڵێندەران، پشتراستکرنا کارێن ئەنجامدای و ئامادەکرنا راپۆرتێن پێشڤەچوونا کاری دکەت.

ئەرک و بەرپرسایەتیێن سەرەکی:

- سەرپەرشتیکرنا هەمی پرۆژەیێن ئاڤاهی و نۆژەنکرنێ ل زانکۆیا نەورۆز.

- سەرپەرشتیکرن و هەماهەنگیکرنا یەکێتا چاککرنێ (Maintenance) و دووڤچوونا کارێن وان یێن ڕۆژانە.

- دڵنیابوون ژ ئەنجامدانا هەمی کاران ب گۆرەی نەخشە، تایبەتمەندی و پێوەرێن کوالێتیێ یێن پەسەندکری.

- چاڤدێریا پێشکەفتنا پرۆژەی، کوالێتی، سەلامەتی و پابەندبوون ب کالندەرێ دەمی یێ دەستنیشانکری ل جهێ کارى (سایتی).

- ئەنجامدانا پشکنینێن بەردەوام بۆ سایتی و ئامادەکرنا ڕاپۆرتێن پێشڤەچوونێ.

- ئامادەکرن و پێداچوونا خشتێ بڕان (BOQ) بۆ کارێن ئاڤاهی، نۆژەنکرن و چاککرنێ.

- پشتڕاستکرنا پیڤان و بڕێن کارێن ب دوماهیک هاتین و پاراستنا دۆکیۆمێنتێن تەکنیکی.

- پێداچوونا وەسڵێن بەڵێندەران و ئامادەکرنا پارەدانێ (Payments) ل سەر بنەمایێ کارێ ئەنجامدای.

- هەماهەنگی دگەل ڕاوێژکارێن ئەندازیاری یێن دەرەکی یان نڤیسینگەیێن دیزاینێ د قۆناغا دیزاینێ دا.

- هەماهەنگی دگەل بەڵێندەر، دابینکار و پشکا ئەندازیاری بۆ دڵنیابوون ژ جێبەجێکرنا دروست یا پرۆژەیان.

- دەستنیشانکرن و هاریکاریکرن د چارەسەرکرنا ئاریشەیێن تەکنیکی دا ل دەمێ کارکرنێ.

- پێشکێشکرنا ڕاپۆرتێن هەفتەیی و هەیڤانە کو تێدا پێشکەفتنا پرۆژەی، کارێن ب دوماهیک هاتین و پلانێن داهاتی هەبن.

- دڵنیابوون ژ ب دوماهیک هاتنا پرۆژەیان د دەمێ دیارکری دا، ل سەر بنەمایێ بودجەیێ تەرخانکری و کوالێتیا خواستی.

- باوەرنامەیا بەکالۆریۆس ب ئەندازیاریا شارستانی یان ب ئەندازیاریا تەلارسازی هەبیت.

- نەکێمتر ژ ٧ سالێن شارەزاییێ د بوارێ پرۆژەیێن ئاڤاهی، نۆژەنکرن و چاککرنێ دا هەبیت.

- شارەزایی د سەرپەرشتیکرنا سایتی (جهێ کاری) هەبیت، ئامادەکرنا BOQ و هەماهەنگی دگەل راوێژکار و بەلێندەران.

- شارەزاییا تمام د بەرنامێ AutoCAD دا و شیانا خواندن و ئامادەکرنا نەخشەیێن ئەندازیاری هەبیت.

- شیانێن ب هێز د نڤیسینا راپۆرتان، رێکخستنا کاران و چارەسەرکرنا ئاریشەیان دا هەبیت.

تێبینی:

بتنێ پەیوەندی ب وان کەسان دهێتە کرن یێن کو دهێنە هەلبژارتن (Shortlisted) بۆ چاڤپێکەفتنێ.