ئەز نۆژدارێ ددانانم، مامۆستامە ل کۆلیژا زانستێن ساخلەمیێ ل زانکۆیا دهۆک، و قوتابیێ دکتۆرانە ل ساڵا سێیێ. خوهدان ئه‌زموونم ل سەر ئاستێ تدریسکرنا زانکۆیێ، ڤەکۆلینێن ئه‌کادیمی، و چالاکیێن بَشێ زانستی. حەز و گرنگیدانا من یا ئەکادیمی ل سەر نۆژداریا ددانان، فسیۆلۆژیا (زانستێ وەزیفێن ئەندامان)، ساخلەمیا دەڤ و ددانان، و پەیوەندیا دناڤبەرا نەخۆشیێن گشتی یێن لەشی و نەخۆشیێن دەڤ و ددانان دایە.

ئەزموونا من یا تدریسکرنێ بابەتێ فسیۆلۆژیا پزیشکی (Medical Physiology) و بابەتێن پەیوەندیدار ڤەقەتینیت، وەک: فسیۆلۆژیا خوێنێ، ئامرازێ خوینگەڕیانێ و هەناسەدانێ، کۆئەندامێ دەمارى یێ سەربەخۆ، فسیۆلۆژیا ماسولکان، فسیۆلۆژیا دەماران، شلەمەنیێن لەشی، و هۆمیۆستاسیس (تەوازونا نافخۆیا لەشی). ئارمانجا من ئەوە کو زانیاریێن ڕوون و ب بەڵگەیێن زانستی پێشکێشی قوتابیان بکەم و تێگەهێن فسیۆلۆژی یێن بنەڕەتی ب کارئینانێن کلینیکی ڤە ببەستم. گرنگیدانا من یا ڤەکۆلینێ ل سەر پەیوەندیا دناڤبەرا نەخۆشیا شەکرێ، هەوکرنا شانێن دەورۆبەێن ددانان (Periodontitis)، هۆمۆسیستین، و ڤیتامینێن B-complex دایە. ئەز پشکداریێ د جڤاکێ ئەکادیمی دا دکەم ب ڕێکا تدریسکرنا زانکۆیێ، پشتەڤانیکرنا قوتابیان، چالاکیێن ڤەکۆلینێ، پێشکەشکرنا سیمینار و بابەتێن ئەکادیمی، بەرسڤدانا بەرپرسیارەتیێن بەشێ زانستی، و پشکداریکرن د چالاکیێن زانستی دا. ئەز یێ بەرهەڤم بۆ بەردەوامبوونا گەشەپێدانا مەشق و شارەزاییا خۆ یا پیشەیی، ڤەکۆلینێن زانستی، و بلندکرنا ئاست و کوالیتیا پەروەردا زانکۆیێ.