هةر ژ سالا ٢٠٢٤ ، عبدالله يعقوب ابراهيم وەک مامۆستایێ هاریکار ل کۆلێژا یاسا وزانستێن سیاسي ل زانکۆیا نەورۆز کار دکەت. باوەرنامەیا ماستەرێ د بوارێ یاسایا تایبەت دا (یاسایا مەدەنی) ل سالا ٢٠٢٣ێ ل کۆلێژا یاسا و راميارى ل زانکۆیا دهۆک بدەستخستیه نامەیا وی یا ماستەرێ ل ژێر ناڤێ "کێشەیێن یاسایی یێن په يدادبن ژ ئەنجامێ فرۆتنا ئاڤاهیێن ل ژێر ئاڤاکرنێ" بوو، کو تێدا ل سەر ئالۆزیێن یاسایی یێن مامەلە وره فتاركرنێ ب ئاڤاهی و پرۆژەیێن نە تەمام کری ڤه کۆلين كريه. باوەرنامەیا بەکالۆریۆسێ د یاسایێ دا ل زانکۆیا دهۆکێ ل سالا ٢٠٠٦ێ وەرگرتیە. دهەمان سال دا بوویە ئەندام ل سەندیکا پارێزەرێن کوردستانێ و ژ وی دەمی وەرە وەک پارێزەر ل دادگەهێن هەرێما کوردستانێ کار دکەت. وەک پارێزەرەکێ خودان ئەزموون وشێوه‌كارێ یاسایی، نێزیكی دوو دهەیان(20 سالان) ئەزموونا پیشەیی د بوارێ دادگەهکرن وبەرەڤانیکرنا یاسایی و چارەسەرکرنا کێشەیان دا هەیە. پشتی ب دووماهی ئینانا ماستەرێ، دەست ب کارێ ئەکادیمی ل زانکۆیا نەورۆز کریە. ل سالا خواندنێ ٢٠٢٤-٢٠٢٥ێ وانەیا یاسایا بارێ کەسی (الاحوال الشخصية) گۆتیە، و ل سالا ٢٠٢٥-٢٠٢٦ێ وانەیا یاسایا کۆمپانیان ل کۆلێژا یاسا و سیاسەتێ گۆتیە. کارێ وی یێ پارێزەریێ دگەل ئەرکێن وی یێن ئەکادیمی ب رەنگەکێ وەسا یە کو دشێت تیۆرێن یاسایی دگەل لایەنێ کرداری یێ کارەکی گرێدەت، کو ئەڤ چەندە دبیتە ئەگەرێ پتر تێگەهشتنا قوتابیان بۆ بنەمایێن یاسایی. ڤەکۆلینێن وی پتر ل سەر یاسایا مەدەنی و چڵێن وێ دکەڤن.