نەجم عبدالله سدیق مامۆستایە و نوکە سەرۆکێ پشکا ئینگلیزی یە ل کۆلیژا زمانان ل زانکۆیا نەورۆز. ناڤبری خودان باوەرنامەیا ماستەرێ یە د زمانێ ئینگلیزی دا و بسپۆرییا ئەوی د بوارێ زمانەڤانیێ (Linguistics) دایە. وانەگۆتن و شارەزاییا ئەوی د بابەتێن وەک ڕێزمان، سینتاکس، و مۆرفۆلۆژی دایە. وەک ڤەکۆلەرەک د بوارێ زمانەڤانیێ دا، ئەو ب ڕێکا سەرۆکاتیا پشکێ و هەماهەنگیێ دگەل ستافێ زانکۆیێ خزمەتا ناڤەندا ئەکادیمی دکەت. ل دەف مامۆستا نەجمی، مامۆستایێ زانکۆیێ کارەکێ بلند و شایستەیە کو ب ڕێکا ب هێزکرنا شیانان و سەرکەفتن ب سەر ئاستەنگان و بدەستڤەئینانا باوەرنامەیێن بلند دهێتە دیارکرن. زێدەباری وانەگۆتنێ، ئەو باوەر دکەت کو ئەرکێ مامۆستایێ زانکۆیێ تنێ هندە نینە کو وانەیان بێژیت، بەلکو ئەو پەروەردەکار و نموونەیا بلند و ئاراستەکەرێ ژینگەها خۆ یە، چ دگەل قوتابیان بیت یان ژی دگەل هەڤالێن خۆ یێن ئەکادیمی. هەروەسا، مامۆستا نەجم جەختێ ل سەر ئەوێ چەندێ دکەت کو ئەرکێ زانکۆیێ تنێ دەرچوونا قوتابیان و بەخشینا باوەرنامەیان نینە، بەلکو ئەرکەکێ سەرەکی خزمەتکرنا جڤاکی یە ب ڕێکا دەستنیشانکرنا کێشەیان و دیتنا چارەسەریێن زانستی ب ڕێکا ئەوان ڤەکۆلینێن کو ژ لایێ ماموستا و پڕۆفیسۆرێن زانکۆیێ ڤە دهێنە ئەنجامدان.