پڕۆفیسۆرێ هاریکار دکتۆر ئیسماعیل عەبدولڕەحمان نەجمەددین مامۆستایە ل زانکۆیا دهۆک/ کۆلیژا یاسایێ/ پشکا یاسایێ. بسپۆرە د فیقها بارێ کەسایەتی دا. باوەرناما دکتۆرایێ د (فەلسەفا فیقهی و ئوسولێن وێ) دا ل شانشینا ئوردنا هاشمی/ زانکۆیا جیهانی یا زانستێن ئیسلامی/ کۆلیژا شەریعەت و یاسایێ ل رێکەفتی ٢٠١٤/١٢/٣١ وەرگرتییە. دەسپێکا کاروانێ وی یێ زانستی ل سالا (١٩٩٩) بوو. باوەرناما بەکالۆریۆسێ ل زانکۆیا بەغدا/ کۆلیژا شەریعەت/ پشکا خواندنان ل سالا ١٩٨٩ێ ب دەست خۆ ڤە ئینایە، و باوەرناما ماستەرێ ل کۆمەڵەیا دەولەتێن عەرەبی/ پەیمانگەها عەرەبی بۆ خواندنێن بلند د ساخکرنا بەلگەنامە و دەستنڤیسان دا ل رێکەفتی ٢٠٠٣/٦/٢١ وەرگرتییە. وەک مامۆستایێ هاریکار ل زانکۆیا پۆلیتەکنیکی/ پەیمانگەها تەکنیکی یا ئاکرێ/ پشکا کارگێڕیا یاسایی کار کرییە و نێزیکی هەشت سالان ل وێرێ مایە. پاشان هاتییە ڤەگوهاستن بۆ زانکۆیا دهۆک و ناسناڤێ زانستی یێ (مامۆستا) ل رێکەفتی ٢٠١٥/٦/٢٤ وەرگرتییە، و ناسناڤێ (پڕۆفیسۆرێ هاریکار) ل رێکەفتی ٢٠١٩/١١/١١ ل زانکۆیا دهۆک/ کۆلیژا یاسا و زانستێن سیاسی ب دەست ڤە ئینایە.