ئەز مووسا حەسەن قارۆ مە، فیزیۆتەراپیست (چارەسەرکارێ سروشتی) مە و هەلگرێ باوەرناما بەکالۆریۆسێ مە د فیزیۆتەراپیێ دا ژ زانکۆیا هۆلێر یا پزیشکی. ئەزموونا من یا ئەکادیمی و کلینیکی د بوارێن: دووبارە ڕاهێنانا (تأهيل) ماسوولکە و هەستیان، ڕاهێنانا دەماران، چارەسەریا کارەبایی، وەرزشێن چارەسەری، و ممارسەیا فیزیۆتەراپیێ یا لسەر بنەمایێ بەلگەیێن زانستی (Evidence-based) هەیە. د درێژاهیا کارێ خۆ یێ پیشەیی دا، من پشکنین و چارەسەری بۆ نەخۆشێن خودان حالەتێن جودا یێن ماسوولکەیی و دەماری کرینە، ژ وان ژی: برینێن دەمارێن چەپەر (Peripheral nerve injuries)، پەککەفتنێن ژ ئەنجامێ جەڵتەیا مێشکی، و ئاریشەیێن لڤینێ. زێدەباری ڤێ چەندێ، من دگەل چەندین رێکخراو، سەنتەرێن ڕاهێنانێ و دەزگەهێن تایبەتمەند ب چاڤدێری و ڕاهێنانا زارۆکان کار کریە. ئەزموونا من کارێ مەیدانی و پرۆگرامێن جڤاکی بخۆڤە دگریت، ئەوێن ئارمانج ژێ باشترکرنا خزمەتگوزاریێن ساخلەمی و ڕاهێنانێ بۆ زارۆکان و کەسێن خودان پێدۆفیستێن تایبەت. ئەز یێ پابەندم ب پێشخستنا پیشەیی یا بەردەوام ب رێکا پشکداریکردن د وۆرکشۆپ، پرۆگرامێن راهێنانێ، و چالاکیێن ئەکادیمی دا یێن کو شیانێن کلینیکی و ڤەکۆلینێ بەهێز دکەن. حەزێن من یێن وانەگۆتن و ڤەکۆلینێ پێکدهێن ژ: ڕاهێنانا زارۆکان، ڕاهێنانا دەماران، فیزیۆتەراپیا ماسوولکە و هەستیان، وەرزشێن چارەسەری، و چارەسەریا کارەبایی. ئەز پشکداریێ د جڤاکێ ئەکادیمی و پیشەیی دا دکەم ب رێکا پشتەڤانیکردنا فێربوونا قوتابیان، هاندانا کارکرنێ ل سەر بنەمایێن زانستی، پشکداریکردن د دەستپێشخەریێن ساخلەمیا جڤاکی دا، و پشتەڤانیکردن بۆ دابینکرنا خزمەتگوزاریێن ڕاهێنانێ یێن ب کوالیتەکا بلند کو دبنە ئەگەرێ باشتربوونا لڤینا نەخۆشان و باشترکرنا كوالیتەیا ژیانا وان.