ئەز دەرمانسازەکا کلینیکی، وانەبێژا ئەکادیمی، و ڤەکۆلەرەکم، خودانا باوەرنامەیا ماستەرێ د دەرمانسازییا کلینیکی دا ژ زانکۆیا دهۆک. ئەڤە د نوکە دا وەک مامۆستایا هاریکار ل زانکۆیا نەورۆز کار دکەم، کو تێدا وانەیێن دەرمانسازی و زانستێن ساخلەمیێ دبێژم و پشته‌ڤانییا پێشڤەبرنا پەروەردەیی و دلنیاییا جۆرەیی یا ئەکادیمی دکەم. پسپۆرییا من د بوارێن دەرمانسازییا کلینیکی، زانستێ ڕژێنێن دەردانەناڤخۆ (ئیندۆکراینۆلۆژی)، ساخلەمییا ئافرەتان، نەخۆشیێن مێتابۆلیکی (کیشوەرگۆڕین)، و پراکتیککرنا دەرمانسازیێ دایە. ڤەکۆلینێن من زێدەتر ل سەر ساخلەمییا گشتی، بکارئینانا دەرمانان، ڕژێنێن دەردانەناڤخۆ و ساخلەمییا زاوزێیێ، و چارەسەرییا دەرمانی یا ل سەر بنەمایێ بەلگە و ڕاستییان لایە. زێدەباری پێشکێشکرنا دەرئەنجامێن ڤەکۆلینێن خۆ د کۆنفرانسێن زانستی یێن نیشتمانی دا، ژ وان ژی "ئێکەم کۆنفرانسێ عیراقی بۆ دەرمانسازییا کلینیکی"، من چەندین گۆتارێن زانستی د کۆڤارێن نێودەوڵەتی یێن بهێز و پێداچوونەڤەکری دا بەلاڤکرینە.

پێخەمەت گوتنا وانەیان و ئەنجامدانا ڤەکۆلینان، ئەز پشتەڤانییا جڤاکێ ئەکادیمی دکەم ب ڕێیا پرۆگرامێن پێشڤەبرنا پیشەیی، خزمەتا ئەکادیمی، و پێداچوونەڤەیا زانستی (التقييم العلمي) بۆ گۆتارێن کۆڤارێن زانستی یێن نێودەوڵەتی. ئەز ب ڕێیا کارێ خۆ وەک پەروەردەکار، ڤەکۆلەر، و شارەزایا چاڤدێرییا ساخلەمیێ، بزاڤێ دکەم کو پراکتیکێن چاڤدێرییا ساخلەمیێ یێن ل سەر بنەمایێ بەلگە و ڕاستییان بەرفرەهـ بکەم، ئەوێن کو دبنە ئەگەرێ باشترکرنا ڕەوشا نەخۆشان و بلندکرنا ستانداردێن پیشەیی، هاندان ل سەر داهێنانا زانستی، و پێشڤەبرنا پەروەردەیا دەرمانسازیێ.