ڤەکولەر: بێوار عبد الرحيم محمد أمين

بسپۆر د قانوونا دەستووری و سیستەمێن سیاسی دا

گرنگیپێدان و چالاکییێن زانستی یێن ڤەکولەر (بێوار عبد الرحيم محمد أمين) د وارىَ قانوونا دەستووری دا چڕ دبن، ب تایبەتی ل سەر خواندنا سیستەمێن سیاسی یێن هەڤبەرکرى، پێکهاتێ دادگەهێن بلند و میکانیزمێن چاڤدێريیا وان یا دادوەری، دگەل شیکارکرنا پەیوەندی و تێکەڵبوونا قانوونا دەستووری دگەل پشکێن دی یێن قانوونێ.

د ئەنجاما رێڕەوێ خۆ یێ ئەکادیمی دا، ڤەکولەری پاشخانەکا زانستی یا بهێز د پرەنسیپێن دەستووری، یاسادانان، و بجهئینانێن دادوەری یێن هەڤبەرکرى دا ئاڤا کریە. د هەمان دەم دا، د ڤەکولینێن خۆ دا گرنگیەکا ستراتیژی ددەتە خواندنا سیستەمێن فیدرالی و شیکارکرنا کێشە و ئاریشەیێن گرێدایی پێکهاتە و هەڤسەنگیا یەکەیێن دەولەتێن ئێکگرتی (اتحادي)، و کارتێکرنا وان ل سەر جێگیرییا دامەزراوەیی و پێکهاتێ قانوونی یێ دەولەتێ.

پتر ژ پسپۆريیا خۆ یا هوور د بیاڤێ دەستووری دا، ڤەکولەر پشت بەستنێ ل سەر ئاسۆيەکێ مەعریفی یێ هەمەلایەن دکەت کو تێکەڵاو دکەت د ناڤبەرا فەلسەفا سیاسی، سیاسەتێن گشتی و حوکمڕانیێ دا؛ ئەڤ چەندە ژی دەلیڤێ ددەتێ کو دیاردەیێن قانوونی ب دیتنەکا رەخنەیی یا بەرفرەهتر بسەنگینیت. هەروەسا، ڤەکولەر باوەریەکا تەمام ب بەردەوامیا فێربوونێ و شیکاریا رەخنەیی هەیە وەک دو کەرەستێن سەرەکی بۆ پێشڤەبرنا ئاستێ مەعریفی و پیشەیی.

ڤەکولەر ب شێوەیەکێ کارا پشکداریێ د دەوڵەمەندکرنا ناڤەندێن ئەکادیمی دا دکەت، ئەو ژی ب رێکا بەرهەمهێنانا ڤەکولینێن قانوونی یێن پپتەو، پشکداریکردن د سیمینار و دانوستاندنێن زانستی دا، و دووڤچوونا گوهۆڕینێن دەستووری یێن هەڤچەرخ، ب وی ئارمانجێ کو شارەزاییا خۆ د سیستەمێن سیاسی دا قووڵتر لێ بکەت و د هەمان دەم دا زانیاریێن نوو پێشکێشی کتێبخانەیا قانوونی بکەت.