دلۆڤان ئەسعەد مەجید پرۆفیسۆرێ هاریکارە ل کۆلێژا ئینفۆرماتیک، پشکا تەکنۆلۆژیایێ زانیاریان (IT) ل زانکۆیا ئاکرێ یا زانستێن کارپێکری، و ل کۆلێژا زانست، پشکا زانستێن کۆمپیۆتەری ل زانکۆیا نەورۆز ل عیراقێ. بڕوانامەیا دکتۆرایێ ژ زانکۆیا تەکنۆلۆژیایێ یا مالیزیا (UTM) ل وەلاتێ مالیزیا وەرگرتییە. خودان شارەزایییەكا زۆرا د بوارێن فێربوونا ئامێرێ (Machine learning)، فێربوونا کویر (Deep learning)، بینینا کۆمپیۆتەری (Computer vision)، شیکارکرنا وێنەیێن نۆژداری، ئاسایشا داتایان، و ئینتەرنێتا تشتان (IoT) دا. مەرەما وى یا ڤەکۆلینێ ل سەر دیزاینکرنا تەکنیکێن حوسبەی یێن ژیر و پاراستی یە بۆ چارەسەرکرنا ئاریشەیێن ژیانا راستی د بوارێن ساخلەمی، ئاسایشا سایبەر و سیستمێن ژیر دا.

دکتۆر دیلۆڤان نێزیکی 90 ڤەکۆلینێن زانستی بەلاڤکرینە، کو زۆربەیا وان د کۆڤارێن ناڤدار دا هاتینە بەلاڤکرن یێن کو د ناڤ (Clarivate Web of Science) و (Scopus) دا هاتینە تۆمارکرن. ئەو وانەیێن جۆراوجۆر بۆ قوتابیێن قۆناغا بەرایی (بکالۆریۆس) و خواندنا بلند دبێژیت، ژ وان: پێکهاتەیێن داتایان، ئەلگۆریتم، ئاسایشا داتایان، مولتیمیدیایێ دیجیتاڵی، چارەسەرکرنا وێنەیان، تەکنۆلۆژیایێن وێبێ، گەشەپێدانا وێبێ، فێربوونا ئامێرێ و ژیرییا دەستکرد. هەروەسا ئەندامەکێ چالاکە د جڤاکێ ئەکادیمی دا وەک هەلسەنگێنەرێ زانستی بۆ چەندین دەزگەهێن بەلاڤکرنێ و کۆڤارێن نێڤدەولەتی وەکی IEEE Access, MDPI, Elsevier, Wiley, Springer, و Tech Science Press. پشکداری د چەندین کۆنفرانسێن نافخۆیی و نێڤدەولەتی دا کرییە و هەڤکارییێن بەردەوام یێن ڤەکۆلینێ دگەل ڤەکۆلەر و سازیێن چەندین وەلاتان هەنە، کو ئەڤە دبیتە ئەگەرێ پەرەپێدانا ڤەکۆلینێن هەڤپشک دناڤبەرا بوارێن جۆدا و هەڤکارییا نێڤدەولەتی.