دكتۆر هوار نورالدین حسین** ئه‌كادیمیه‌كێ سه‌ركه‌فتی، ڤه‌كۆله‌ره‌كێ یاسایی و شێوه‌كاره‌كێ پیشه‌یی یە ل هه‌رێما كوردستانا عێراقێ. هەلگرێ باوه‌رنامه‌یا دكتۆرا و ماسته‌رێ یە د یاسایا گشتی دا ل زانكۆیا مه‌نسووره‌ ل وه‌لاتێ میسر، و به‌كالۆریۆس د یاسایێ دا ل زانكۆیا نه‌ورۆز بده‌ستخستیه‌. ب ئه‌زموونا پتر ژ دهه‌كه‌كێ دناڤبهرا جیهانا ئه‌كادیمی و پراكتیكا یاسایی دا، دكتۆر هوار نوكه‌ مامۆستایێ یاسایا كارگێڕی و تەشریعێن مالی یە ل زانكۆیا زاخۆ. چه‌ندین پۆستێن سه‌ركردایه‌تی وه‌رگرتینه‌، ژ وان: جێگرێ ڕاگرێ كۆلێژا یاسا و سیاسه‌تێ ل زانكۆیا نه‌ورۆز و جێگرێ ڕاگرێ په‌یمانگه‌ها دهۆك یا تایبه‌ت. زێده‌باری كارێ ئه‌كادیمی، ژ سالا ٢٠١١ێ وه‌ره‌ وه‌ك شێوه‌كارێ یاسایی و پارێزه‌رێ كاركه‌ر كار دكه‌ت، كو شاره‌زاییا خۆ د پێشكێشكرنا شێوه‌كاریێن یاسایی و هه‌لسه‌نگاندنا مه‌ترسیان دا دده‌ت. دكتۆر هوار ب رێكا ڤه‌كۆلین و به‌رهه‌مێن خۆ یێن كاریگه‌ر پشكداريێ د جڤاكێ یاسایی دا دكه‌ت؛ پشكدار كریه‌ د نڤیسینا په‌رتووكه‌كا یاسایی یا گشتگیر ل سه‌ر یاسایا خزمه‌تا شارستانی ل عێراقێ، و چه‌ندین ڤه‌كۆلینێن زانستی د گۆڤارێن باوه‌رپێكری دا ل سه‌ر چاڤدێریا كارگێڕی، مالێ گشتی، و یاسایا سزایی یا نێڤده‌وله‌تی بەلاڤکرینە