ئەز دکتۆرا لانا سەعید م، مامۆستایا زانکۆیێ مە و پسپۆڕم ب رێکێن وانەگوتنا بیرکاریێ. ئەز گرنگیێ ددەمە بوارێن پەروەردەیی و دەروونناسی و پێشخستنا پرۆسەیا فێرکرن و فێربوونێ. هەروەسا چەندین وانەیێن زانکۆیی دبێژم، وەک ڕێبازێن وانەگوتنێ و ئامارا پەروەردەیی، و ئەز هەوڵ ددەم بابەتێن ئەکادیمی ب ڕوونی و ڕێکخستی پێشکێش بکەم و پەیوەندییەکێ دناڤبەرا زانینا تیۆری و کارپێکرنا زانستێ دا دروست بکەم.

ئەز خودان ئەزموونم د کارکرنێ دگەل قوتابیێن زانکۆیێ دا، و ئەزپابەندم کو پەیوەندیێن فێرکاری یێن ئەرێنی ل سەر بنەمایێ ڕێزگرتنا دوولایەنی و هاریکاریێ ئاڤا بکەم، دگەل پاراستنا ڕێکوپێکی و ئاستێ ئەکادیمی. هەروەسا گرنگیێ ددەمە ب کارئینانا تەکنەلۆجیایێن نوی و زیرەکییا دەستکرد دپڕۆسێسا فێرکرنێ دا، دیزاینکرنا ماددەیێن فێرکاری یێن قوتابیان هانددن کو چەمکان باشتر تێبگەهن، چالاکانە بەشداریێ بکەن و ب شێوەیەکێ کاراتر فێر ببن.

ئەز گرنگیێ ددەمە ڤەکۆلینێن زانستی د بوارێن پەروەردە و دەروونناسیێدا، ب تایبەتی ئەو بابەتێن گرێدای ب قوتابیان، فێرکرنێ و ڕێنماییا پەروەردەیی و دەروونی ڤە. ژ ئامانجێن من یێن سەرەکی پێشخستنا شارەزاییێن وانەگوتن و ڤەکۆلینێ و ب دویڤچوونا ئاراستەیێن نوو د فێرکرنێدا.

ب رێکا کارێ خۆ یێ ئەکادیمی، هیڤیا من ئه‌وه پشکداریێ بکەم د ئامادەکرنا قوتابیان دا کۆ خودان زانین، شارەزایی، و باوەری ب خۆ بن. هەروەسا ئارمانجا من ئەوە ڕۆلەکێ ئەرێنی بگیڕم د چاککرنا ژینگەها فێربوونا زانکۆیێ دا و خزمەتکرنا جڤاکێ ئەکادیمی دا.