د. غەربی م. مستەفا پڕۆفیسۆرێ هاریکار، نڤیسەر و ڤەکۆلینڤانە ل زانکۆیا دهۆک، عێراق. ناڤهاتی خودانێ دکتۆرایێ یە د ڤەکۆلینێن ڕۆژهەڵاتناسیێ دا ژ زانکۆیا وارسۆ، و ماستەر د فیلۆلۆگیا ئینگلیزی دا ژ زانکۆیا گدانسک. شارەزاییا وی یا ئەکادیمی ئەدەبییا جیهانی، نڤیسینێن کێمایەتی و نەتەوەیی، ڤەکۆلینێن ڕۆژهەڵاتناسیێ، ڤەکۆلینێن وەرگێڕانێ، وەرگێڕانا ئەدەبی، ناسنامە، و نوینەراتیا رەوشەنبیری بخۆڤە دگریت.

ناڤهاتی پتر ژ شازدە سالێن ئەزموونا ماموستایەتیێ ل زانکۆیان هەیە و بابەتێن ئەدەب، ھزرکرنا ڕەخنەیی، شێوازێن پەیوەندیکرنێ، نڤیسینا ئەکادیمی، و بابەتێن پەیوەندیدار گۆتینە. ڤەکۆلینێن وی ل دۆر ناسنامەیا کوردی، ئەدەبا جۆھییێن عێراقێ، نینەراتیا کوردان و ژنێن کورد، و وێنەکرنێن ڕۆژهەڵاتناسیێ ژ بژارەیێن رۆژهەڵاتا ناڤەڕاستن.

ژ دەستکەفتێن وی یێن سەرەکی چاپکرنا سێ ڕۆمانانە، ژ وان (What Comes with the Dust) و (Whispers of Silent Peaks)، هەروەسا ڤەکۆلینێن زانستی د گۆڤارێن ناڤنیڤدەولەتێ و نەتەوەیی و هەرێمی دا. زێدەباری، ناڤهاتی سەرپەرشتییا ڤەکۆلینێن ماستەرێ د بوارێ ئەدەب و ڤەکۆلینين چاندیدا کریە و د ڕۆڵێن سەرکردایەتییا ئەکادیمی دا کار کریە.

پشکداریێ د کومەلگەھێ ئەکادیمی دا دکەت ب ڕێکا ماموستایەتیێ، سەرپەرشتیکرنا ڤەکۆلینان، زانستێن د ناڤبەرا پشکێن جودا دا، چالاکیێن رەوشەنبیرێ، و پێشئێخستنا دیالۆگێ ب ڕێکا ئەدەب، وەرگێڕان، و کارێن داهێنەرانە.