کۆلیژا یاسا و زانستێن سیاسی

پشتی زانکۆیا نەورۆز سێ وورکشۆپێن ئەکادیمیێن نێڤدەولەتی ب هەڤپشکی ل گەل زانکۆیا دورهام یا بریتانی ئەنجامداین، ئەڤرۆ کونفرانسەک ژی ب رەنگێ ئۆنلاین ل گەل هەمان زانکۆیێ ب پشتەڤانیا گرانتێ (ئەکادیمیا بریتانی) گرێدا.
پشکداران ڤەکۆلینێن خۆیێن ئەکادیمی د سێ پەنەلان دا پێشکێشکرن. د ڤی کونفرانسی دا، کوردناسێ ناڤدارێ جیهانی پرۆفیسۆر مارتن ڤان بروینسن پەیڤا کونفرانسی پێشکێشکر و تێدا پێشڤەچوونێن زانستێن کوردی د چەرخێ بۆریدا تا نهۆ و راگۆهاستنا ڤی بیاڤی وەکو دیسپلینەکێ سەربەخۆیێ ئەکادیمی باسکرن.

ژڤانە کو ڤەکۆلینێن ڤی کۆنفرانسی د گۆڤارەکا نێڤدەولەتیا ئاستبلند دا وەکو سێریەکا تایبەت بەلاڤ ببن.

ژ هەژی گۆتنێیە ئەڤ پرۆژەیە ب سەرپەرشتیا هەردو مامۆستایان، د. محەمەدعەلى یاسین تاها ژ زانکۆیا نەورۆز و پ. د. باهار باشێر ژ زانکۆیا دارام یا بریتانی، هاتیە ئەنجامدان و تێدا پرۆفیسۆرێن تایبەتمەند د وارێن زانستێن جڤاکناسی و مرۆڤناسی و ڤەکۆلەرێن نێڤدەولەتى ل گەل سەرنڤیسکارێن گۆڤارێن ئەکادیمیێن جیهانی د پێشکێشکرنا بابەت و مژارێن زانستى و ئەکادیمیدا بەشداربوون و دانوستاندن و نیقاش ل سەر رەشنڤیسێن ڤەکۆلینێن پشکدارێن وورکشۆپێ هاتیەکرن.